Agjencia për Pronësi Industriale ka lansuar webfaqen e re zyrtare, të qasshme në kipa.rks-gov.net, me strukturë të re dhe qasje më të lehtë në informacione, legjislacion, publikime dhe shërbimet e Agjencisë.
Po ashtu, është vënë në funksion Regjistri Elektronik i Objekteve të Pronësisë Industriale, përmes platformës WIPO Publish, i cili mundëson kërkim publik në të dhënat e pronësisë industriale.
Regjistri përmban aktualisht 44,943 të dhëna, ndërsa në fazat e ardhshme do të zgjerohet edhe me të dhëna për patentat dhe dizajnet industriale të regjistruara.
Këto dy zhvillime synojnë të rrisin transparencën dhe të lehtësojnë qasjen e publikut në informacionet dhe shërbimet e Agjencisë.